Rikit Ka Dinding

Kamarian Salasa tadi, Anang Ilut lawan Utuh Amak bailang kayah Julak Unjun, kabalujuran Julak Unjun hini lagi dibalakang rumah mamandii burung Kutilang kasayangan sidin dikawani lawan Mas Gito.
“Umai, rajin banar pian ni mamandii burung, nang ampunnya sudah juakah mandi?” jar Anang Ilut marawa.
“Ha..ha... ampunnya imbah hini hanyar mandi,” sambat Julak Unjun sambil manyimbur kandang burung sidin.

“Ulun gin baisian inguan burung dirumah, maka unik banar Julakai, sudah kada parlu bakandang, gawiannya tu marikit ka dinding haja,” sambat Utuh Amak.
“Burung palsu kalu nih, rasa kada suah unda mandangar ada burung nang marikit ka dinding, nang ada inya batinggir di Kandang atawa di puhun,” sambat Julak Unjun.
“Asli Julakai, hidup kawa bajalan kasana kamari jua, babunyi pulang,” jar Utuh Amak
“Burung opo iku rek?” takun Mas Gito
“Burungnya cacak, dimana inya marikit didinding pasti burungnya taumpat rikit jua!” sambat Utuh Amak tatawa mangalakak